முடிஞ்சா சிரிங்க!

''டாக்டர், என் பையன் அஞ்சு ரூபாய் காயினை முழுங்கிட்டான்...''

''சீக்கிரமா போய் பெரிய டாக்டரைப் பாருங்க!''

''ஏன், நீங்க பாக்க மாட்டீங்களா..?''

''நான் ரெண்டு ரூபாய் காயின் வரைக்கும்தான் பார்ப்பேன்...''

****************

'மந்திரியாரே....என் வீரத்தைப் புகழ்ந்து ஏராளமான பாடல்களைப் பாடிய கவிஞர் காத்தப்பன், இன்று ஒரு வேளை சோற்றுக்கே வழியில்லாமல் உள்ளாராமே..?!''

''இப்போதாவது நம்புகிறீர்களா மன்னா... பொய் சொன்ன வாய்க்கு போஜனம் கிடைக்காது என்பதை!''

****************

''அத்தே! நான் உங்ககிட்டே சண்டைக்கு வராமலிருக்கிறது உங்க கையில்தான் இருக்கு!''

''என் கையில் என்ன இருக்கு?''

''நாலு வளையல் இருக்கே... அதைக் கழட்டிக் குடுத்துட்டீங்கன்னா சண்டைக்கு வரமாட்டேன்!''

****************

'எதிரி மன்னனுடன் போர் அடுத்த மாதம்தானே தொடங்குகிறது... அதற்குள் ஏன் மன்னா அவன் நாட்டுக்குச் சென்று அங்கிருந்து ஓடி வருகிறீர்கள்.?''

''இது சோதனை ஓட்டம் அமைச்சரே...''